Бу дьыл, балаҕан ыйын 24 күнүгэр биһиги Баайаҕабыт орто оскуолатыгар Республикатааҕы Үөрэх Министиэристибэтиттэн А.Р.Андросова, Р.Г.Гуляева уонна Улуустааҕы үөрэх управлениетын начальнига Ю.С.Дедюкин ыалдьыттаах делегация кэлэ сырытта. Кинилэри саҥа тутулла турар оскуола иккис этээһигэр үөрүүлээх быһыыга-майгыга көрүстүлэр. Ыалдьыттары алаадьылаах  кымыһынан, саха мааны аһа – саламаатынан айах тутан күндүлээтилэр. 10 кылаас үөрэнээччитэ  Айта Мандарова ылбаҕай ырыаны бэлэхтээтэ. Оскуола директора М.С.Дедюкин ыалдьыттарга махтал тыллары этэн туран XX үйэ чулуу киһитэ, педагог И.М.Хатылааев туһунан кинигэлэри туттарда. Салгыы делегация саҥа оскуола хайдах тутуллан иһэрин көрдүлэр, былааннары кытта билистилэр.

Баайаҕа орто оскуолатын пресс киинэ.